ಭಂ ಬೋಲೆ...

ನಮಗೆ ಕಾಣುತ್ತಿರುವ ನಿಜವೆಲ್ಲವೂ ಸುಳ್ಳೆಂಬುದೇ ಸತ್ಯ....

ಅಘೊರಿ ಎಂಬ ಸಾಮಜಿಕರಲ್ಲದ, ತೀರಾ ವಿಚಿತ್ರವೆನಿಸುವ ಜೀವನಶೈಲಿಯ, ಕಲ್ಪನಾತೀತವೆನಿಸಿದರೂ, ವಾಸ್ತವಿಕವಾಗಿ ಸಜೀವವಾಗಿರುವ ಈ ಸಮುದಾಯದ ಚಟುವಟಿಕೆಗಳನ್ನ ಗಮನಿಸಿದ ನನಗೆ...ಅವರ ಮೇಲೆ ಎಲ್ಲಿಲ್ಲದ ಕುತೂಹಲ ಮೂಡಿದೆ. ಶವ ಶಯನ, ಶವ ಭೋಜನ ಮತ್ತು ಶವ ಮೈಥುನ ಎಂಬ ಮೂರು, ಊಹೆಗೂ ನಿಲುಕದ ಸಂಪ್ರದಾಯ ಹೊಂದಿರುವ ಅವರ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳೊ ಚಪಲ ಶುರುವಾಗಿದೆ. ಮನಸಲ್ಲಿ ಸೃಜಿಸಿದ ಸಣ್ಣ ಎಳೆಯೊಂದು, ಕತೆಯಾಗಿ ಸಿದ್ದವಾಗುತ್ತಿದೆ..

 "ಭಂ ಬೋಲೆ" ಯಾಗಿ.

Quantum physics,ಹಿಂದು ಧರ್ಮ, ಮತ್ತು ಶಂಕರಾಚಾರ್ಯರ ಬರಹಗಳ ತಿರುಳನ್ನ ಬಳಸಿಕೊಂಡು, ಹೀಗೊಂದು ಕತೆ ತಲೆಯಲ್ಲಿ ಕೊರೆಯಲು ಶುರುವಾಗಿ ಅನೇಕ ತಿಂಗಳುಗಳೇ ಕಳೆದಿವೆ. ಸೋಮಾರಿತನವೊ, ಪೂರ್ತಿ ಹಿಡಿತ ಸಿಗದ ವಿಷಯವೋ, ಅಥವ ಇದನ್ನು ಬರೆಯಲು ನಾನು ತೀರ ಸಣ್ನವನೆಂಬ ಕೀಳರಿಮೆಯೊ ಗೊತ್ತಿಲ್ಲ. ಇಷ್ಟು ದಿನವೂ ಅದು ಬರಿಯ ಎಳೆಯಾಗಿಯೇ ಮನಸಲ್ಲಿತ್ತು. ಈಗ ಈ ಎಳೆಗೆ ಹೆರಿಗೆ ಸಮಯ. ಇನ್ನೂ ಅದು ಎಳೆಯಾಗಿಯೇ ಇರಲು ಅವಕಾಶವಿಲ್ಲವಾಗಿ ಅದು ಕತೆಯಾಗಿ ಹೊರಬರುತ್ತಿದೆ. ಬರೆಯುವ ಪ್ರಯತ್ನ ನನ್ನದು. ಮುಂದಿನದು ನಿಮ್ಮ ಪಾಲಿಗೆ.